A duhet te ndertohen dy rezorte e te zvogelohet siperfaqia e zones se mbrojtur Vjose-Zvernec-Narte ?!
Ne kuader te objektit te veprimtarise se vete shoqata PPNE Vlore ne date 28.01.2020 ne mjediset e Qendres Rajonale Rinore Vlore organizoi me shoqata mjediore dhe qytetare dashamires te mbrojtjes se mjedisit takimin: Fuqizimi i Organizatave Mjedisore të Shoqërisë Civile ( Rjeti “Riviera Blu”, Vlore ) për të promovuar mbrojtjen e natyrës në Shqipëri” me tematike: “Perse nuk duhet te ndertohen dy rezorte dhe te zvogelohet siperfaqia e zones se mbrojtur Vjose-Narte”. Ne takim u prezantuan disa argumente ligjore dhe proceduriale ne mbeshtetje te mbrojtjes se kesaj zone:
1-Me VKM Nr.680, date 22.10.2004 kjo zone ka statusin ligjor “Peisazh i mbrojtur kat.V” , pjesë e rrjetit EMERALD. 2- Eshte parashikuar te jene dy siperfaqe me destinacion urbanizimi, ndertim rezorte, ne zonen qendrore, A, qe bie ndesh me “Programin strategjik të Zonave të Mbrojtura për 2016-2020” 3-Bie ndesh me programin qeverisës 2017-2021, pika 2.4 Mjedisi, pergatitur nga qeveria ku percaktohet se: “Mjedisi është jo vetëm pasuri e shumëllojshme ekosistemesh, por edhe një burim ekonomie që duhet përdorur me kujdes e strategjikisht dhe ne jemi të vetëdijshëm për detyrimin institucional, social dhe moral që të mirëmenaxhojmë dhe mbrojmë këtë pasuri kombëtare në interes të qytetarëve dhe të brezave që vijnë”.
