Deputeti i Partisë Demokratike Agron Shehaj me anë të një statusi ka kujtuar ndarjen nga jeta të Diastela Stenecit në Thumanë. Shehaj shkruan se ndihet thellësisht i trishtuar për humbjen e Stelës, si dhe për marrjen fund të ëndrrave të saj rinore.
Postimi i Agron Shehajt:
Jam thellësisht i trishtuar për humbjen e Stelës. Nuk ka fjalë të përshkruajnë mizorinë e ndaljes mizore të jetës dhe ëndrrave të saj. Ndihem pranë familjes së Stelës dhe lutem që ata të gjejnë forcën për të përballuar dhimbjen.
Në këto momente të vështira, ne jemi, gjithashtu, pranë 20 bashkëpuntorëve tanë që kanë humbur shtëpitë e tyre nga tërmeti. I siguroj se nuk do të jenë vetëm në vështirësitë ku i përplasi fati. Kemi marrë përsipër strehimin e tyre dhe familjeve të tyre deri sa të rindërtohen shtëpitë dhe do të ndihmojmë me çdo nevojë që kanë. Së bashku do t’i kalojmë këto momente të vështira.
