Pas shpalljes së kandidaturës për kreun e Partisë Demokratike dy ditë më parë, Agron Shehaj ka zhvilluar pasditen e sotme një konferencë me gazetarët ku shpalosi platformën e tij për PD-në dhe asyet përse kandidon.
Shehaj u shpreh se vendosi të hyjë në garë pasi beson se lidershipi aktual i Partisë Demokratike nuk mund ta çojë partinë drejt fitores.
Gjithashtu ai theksoi se nëse arrin të fitojë garën do të sanksionojë në statut që kryetari të ketë vetëm një herë mundësin e kandidimit për kryeministër he nëse humbet të dorëhiqet.
“Vendosa të kandidoj për kryetar të PD sepse u binda që udhëheqja e tanishme nuk mund ta çojë dot PD-në në fitore. Kandidatura ime nuk është përpjekje për të marrë një post, por besoj se kam aftësinë e duhur për ta çuar PD-në në rrugën e fitores. Edi Rama është një politikan i korruptuar dhe për ta mundur atë duhet një person me cilësitë e ndryshme të tij.
Partia jonë ka nevojë për një reformë të thelllë, për të qenë më meritokratike dhe më e hapur. Duhet të sanksionohet në statutin e Partisë që kryetari të mund të kandidojë vetëm një herë, dhe nëse humbet zgjedhjet të japë dorëheqjen.
Propozoj zgjedhjen e kandidatëve për deputet me parimin një anëtarë një votë. Vetëm kështu mund të ndodh që ne të hapemi dhe të rikthejmë besimin e qytetarëve”, tha Shehaj.