Tashmë është e qartë nga kutitë e numëruara që Partia Socialiste dominon në qarqet kryesore të vendit duke ruajtur një trend progresiv votash.
Por ajo që po ndodh, është lëvizja e madhe në kampin blu, pasi votat e njësisë 10, të numëruara në mënyrë elektronike, tregojnë një votë preferenciale për demokratët e rinj, dhe jo kastën e vjetër të PD. Sipas votave të numëruara, Agron Shehaj ka arritur të marrë 525 vota, kundrejt 492 votave që ka marrë Lulzim Basha dhe 238 votave që ka marrë Sali Berisha.
Surprizë edhe për emrat e gazetares Oriela Nebiaj dhe kreut të FRD Belind Këllici që kanë marrë një numër të konsiderueshëm votash. Nëse ky trend ruhet për kutitë e tjera në Tiranë për votën preferenciale të kandidatit, mund të ndodhë që Agron Shehaj, deputeti i PD, do të ketë më shumë vota sesa vetë kryetari.
Po pse ka ndodhur një gjë e tillë? Profili publik i mbajtur nga Agron Shehaj, gjuha joarrogante por paqësore, kontaktet e drejtpërdrejta me qytetarët dhe të qenurit I ri në politikë, kanë detyruar qytetarët ta preferojnë më shumë.
Eshtë koha për ndryshim. Dhe ndryshimi, duhet të fillojë edhe nga vetë PD, për të shmangur dështimet e mëtejshme në zgjedhje.
Foto e rezultateve:
