Një aksident i rëndë ka ndodhur këtë mesditë në aksin rrugor Librazh-Prrenjas. Sipas informacioneve paraprake, dy automjete janë përplasur me njëra-tjetrën dhe për pasojë një person ka mbetur i plagosur.
I plagosuri është identifikuar si Astrit Çoça. Mësohet se ky i fundit është nisur me urgjencë drejt spitalit për të marrë ndihmë mjekësore. Në aksident janë përfshirë një automjet tip “Fiat Punto” dhe një BMW X3”. Policia ndodhet në vendngjare për të zbardhur rrethanat dhe shkaqet e aksidentit. Nga dyshimet e para mësohet se një nga automjetet ka humbur kontrollin për shkak të lagështirës, dhe për pasojë ka përplasur automjetin tjetër.
