Koha e keqe me reshje të dendura breshëri, ka shkaktuar një aksident në hyrje të qytetit të Gjirokastrës, në aksin që e lidh qytetin me Tepelenën.
Ngjarja ka ndodhur tek kthesa e unazës së qytetit në lagjen Gërhot, ku një auto veturë me targa AA027OY e cila vinte nga Tirana në drejtim te Gjirokastrës, është përplasur me bordurën metalike si pasojë e rrëshqitjes nga lagështia.
Për pasojë, drejtuesi i mjetit ka pësuar lëndime serioze ne gjymtyre dhe është çuar me urgjencë në Spitalin Rajonal të Gjirokastrës. Nuk dihet ende gjendja shëndetësore e tij.
