Një makinë me emigrantë është përfshirë në një aksident në Greqi, ku për pasojë 1 person ka humbur jetën dhe 8 janë plagosur.
Ngjarja e rëndë ndodhi pranë Komotinisë, në Rrugën Egnatia.
Mjeti Seat Ibiza, drejtohej nga trafikantë, të cilët po udhetonin drejt Selanikut.
Mesohet se emigrantët janë të moshave 17-30 vjec.
Tre ambulancat që mbërritën në vendgjarje transportuan 7 personat e plagosur në Sismanoglio, ndërsa njëri prej tyre (i plagosuri më rëndë) u transportua për në spitalin e Aleksandroupolis.
Gjashtë nga të plagosurit janë Bangladeshi dhe 2 nga Pakistani bashkë me viktimën.
Dyshohet se në aksident janë përfshirë dhe emigrantë të tjerë që mendohet se kanë përfituar nga errësira dhe terreni dhe janë larguar.
