Një aksident ka ndodhur mesditën e sotme në rrugën e Kavajës në Tiranë. Një automjet ka përplasur një çift bashkëshortësh V. K., 43 vjeçe dhe A. K., 48 vjeç bashkë me fëmijën e tyre të mitur tre muajsh.
Ata janë dërguar në spital ku ndodhen nën kujdesin e mjekëve. Ndërkohë drejtuesi i automjetit ka braktisur makinën dhe është larguar nga vendi i ngjarjes.
Policia ka nisur punën për kapjen e tij dhe sqarimin e rrethanave në të cilat ka ndodhur aksidenti.
Njoftimi i policisë: Më datë 08.05.2022, në Rrugën e Kavajës, një mjet me drejtues ende të paidentifikuar, ka përplasur shtetasit V. K., 43 vjeçe, A. K., 48 vjeç dhe fëmijën e tyre të mitur 3 muajsh, të cilët si pasojë janë dëmtuar dhe ndodhen në spital, nën kujdesin e mjekëve.
Drejtues i mjetit ka braktisur mjetin dhe është larguar nga vendi ngjarjes. Grupi hetimor po punon për kapjen e autorit dhe sqarimin e rrethanave të ngjarjes.
