Një aksident i trefishtë ka ndodhur në aksin Tiranë-Elbasan. Burime për Report Tv bëjnë me dije se nga ky aksident kanë mbetur të plagosur dy persona ndërsa janë përfshirë tre automjete që lëviznin afër njëra tjetrës.
Ky aks rrugor është kthyer në një nga ‘pikat e zeza’ të vendit tonë për sa i përket aksidenteve, kjo për shkak se aty kanë ndodhur përplasje të herë pas hershme makinash. Ndërkohë në vendin e ngjarjes kanë shkuar forcat e policisë të cilët po punojnë për zbardhjen e plotë të shkaqeve të aksidentit.
