Aksidentet e shumta gjatë këtyre ditëve në Vlorë kanë bërë që të ketë një numër të madh postblloqesh policie përgjatë gjithë qytetit. Ditën e sotme, madje edhe në mbrëmje efektivët e policisë kanë ndaluar e gjobitur dhjetra automjete. Njësia operacionale gjithashtu ka marrë pjesë në këtë aksion ndaj të gjithë drejtuesve të pabindur apo atyre që nuk respektojnë sinjalistikat rrugore.
Madje mëngjesin e djeshëm në ambjentet e komisariatit Vlorë është mbajtur një takim me të gjithë efektivët e rendit e të rrugores në lidhje me aksidentet që përgjakën rrugët e këtij qyteti.
Gjatë ditëve të fundit janë regjistruar disa aksidentete rrugore në zonën e Vlorës me pasojë vdekje. Më 25 janar humbi jetën efektivi i policisë, Nuri Malaj gjatë një aksidenti ku u përplasën dy makina me njëri-tjetrin.
Ndërkohë më 26 janar ndodhi një aksident në aksin Vlorë-Fier ku humbi jetën 25-vjeçarj Anxhela KAPO teksa është arrestuar shoqja e saj e cila drejtonte makinën, 22-vjeçarja Silvi Muha. Një tjetër aksident ndodhi ditën e djeshme në zonën e ‘Ujit të Ftohtë’ ku një Makine perplasi nje motor e për pasojë u plagos një person.
