Një javë më parë juristja Eni Çobani u përfshi në një aksident me makinë, së bashku me ish-ministren e jashtme të Kosovës Edita Tahiri, në Tropojë, ndërsa ishin duke u kthyer nga një darkë që kishin konsumuar mes mikeshash.
Makina e tyre përfundoi në humnerë, po fatmirësisht të dyja zonjat nuk pësuan lëndime të rënda. Vetë Çobani është shprehur e tronditur nga ngjarja, ndërsa një reagim ka pasur së fundi dhe miku i saj Ardit Gjebrea. Moderatori shprehet se të gjithë ne qeniet njerëzore jemi kalimtarë, pavarësisht se gjatë jetës bëhemi pjesë e të këqijave dhe intrigave.
Reagimi i Gjebresë:
Të mendosh se çfarë aksidenti kalove @enicobani.. u rrokullise disa herë me makinë – natën, borë, mbi 20 metra në fund… në përrua. E çfarë jemi? Vetëm kalimtarë në këtë botë ku shpesh na zë sytë ligësia dhe intriga, e keqja dhe thika pas shpine!
Zoti nuk të mori pranë vetes këtë herë, por të la me ne e dashur Eni. Faleminderit! Ndërkohë sot në mëngjes isha në banesat e përjetshme tek prindërit e mi, e rëndësishme ishte që nuk harrova sapo ika prej aty siç ndodh rëndom dhe uroj ta kem prezent vendin e të gjithëve edhe nesër, pasnesër…
Më shërben të perceptoj ndryshe, të sillem ndryshe!
