Një aksident tragjik i ka marrë jetën një 20-vjeçari shqiptar në Greqi. Mediat lokale bëjnë me dije se edhe 2 persona të tjerë u plagosën rëndë në aksidentin e ndodhur mbrëmë vonë në zonën e Imathisë.
Konkretisht, sipas policisë, aksidenti ka ndodhur rreth orës 00:30 në kilometrin e 18 të rrugës provinciale Meliki – Vergina në Imathia, kur në rrethana ende të paqarta automjeti me drejtues shqiptarin nga Korça devijoi rrugën dhe përfundoi në një fushë. Si pasojë e përplasjes 20-vjeçari ka mbetur i p lagosur për v dekje dhe 2 pasagjerët e tjerë kanë mbetur të p lagosur rëndë.
Bëhet e ditur se në vendngjarje kanë mbêrritur forcat e policisë dhe zjarrfikëset dhe është nisur operacioni për lirimin e personave që ndodheshin në makinë. Dy të plagosurit u transportuan me autoambulancat e EKAB fillimisht në Spitalin e Përgjithshëm të Verias dhe më pas në Papageorgiou në Selanik, ku po trajtohen në gjendje të rëndë.
