Institucionet kulturore janë çdo ditë pranë fëmijëve të akomoduar në strukturat hoteliere. Aktivitete të shumta kulturore dhe zbavitëse janë zhvilluar për fëmijët e akomoduar së bashku me familjet e tyre në struktura hotelerie, pas tërmetit të 26 nëntorit.
Teatri Kombëtar ‘udhëtoi’ sot pranë fëmijëve në një hotelet në Shëngjin. Fëmijët dëgjuan dhe lexuan përralla së bashku me aktorët e teatrit. Ata gjithashtu u argëtuan me historitë e përrallave dhe me personazhet e tyre të dashur.
“Duke u përpjekur të dhurojmë buzëqeshje, Teatri Kombëtar kaloi një ditë në shoqërinë e fëmijëve të prekur nga tërmeti i 26 nëntorit, në Shëngjin, për t’u lexuar përralla dhe për t’u dhënë shpresë në këtë ditë me diell”, shprehet ministrja e Kulturës Elva Margariti.
