Aktori dhe drejtuesi i spektaklit të humorit Agron Llakaj feston sot 60-vjetorin e lindjes. Ndryshe nga vitet e tjera, pandemia këtë pranverë ka ndryshuar mënyrën e organizimit të gëzimeve dhe ceremonive familjare. Mes mijëra urimeve që ka marrë sot, aktori i njohur ka publikuar në Instagram mesazhin emocionues të vajzës së tij, Alkidës. Teksa e uron në mënyrë të veçantë për këtë përvjetor, Alkida shpreh trishtimin që këtë vit festa nuk do të jetë siç ishte planifikuar.
Mesazhi i vajzës Alkida për aktorin e madh, Agron Lllakaj:
NGA ALKIDA/ Anë e mbanë botës do të vrapoja me një frymë për të mbledhur në buqetë urimet më të bukura që ekzistojnë dhe të t’i dhuroja sot ty babush në 60 vjetorin e lindjes….do të rendja edhe këmba-dorës pa u lodhur, ashtu si dikur fëmijë 2 vjeç rendja vrullshëm e me zemrën që me dilte vendit nga gëzimi, sapo dëgjoja derën të hapej e ti të vije nga Tirana e largët për të gëzuar pak ditë me ne… Por sot babushi im s’mundemi t’a festojmë ashtu siç kishim thurrur plane pa fund sëbashku, distancën nuk e kemi më kilometrike por sociale😉 Me shpresën se ditë më të bukura do të vijnë dhe ne do të festojmë të gjithë bashkë ditëlindje pa fund deri në ditëlindjen e tënde të 100!!!
Nuk gjej fjalë mjaftueshëm për të të shprehur gjiiiiithë çfarë kam në zemrën qe ende me del vendit për ty;
nuk gjej fjalë mjaftueshëm të të falenderoj për gjithë sakrificat e tua deri në vetëmohim;
nuk gjej dot fjalë mjaftueshëm të të them sa krenare jam për njeriun mrekulli që je ti…
Sot dua si për çdo ditë t’i falem Zotit që jam gjaku yt e ti je Ati im!
Gëzuar ditëlindjen e 60 babushi im
