Ish-këshilltari i presidentit amerikan Donald Trump është arrestuar të enjten. Steve Bannon është vënë në pranga pasi akuzohet për mashtrimin e qindra dhuruesve me anë të fushatës “Ne Ndërtuam Murin”. Bannon dhe tre bashkëpunëtorë të tij u paditën nga hetuesit e Qarkut Jugor të New York.
Prokurorët pretendojnë se grupi i konservatorëve mashtroi donatorët, duke mbledhur “më shumë se 25 milionë dollarë për të ndërtuar një mur përgjatë kufirit jugor të Shteteve të Bashkuara”, por disa nga ato para u përdorën për përfitime personale, sipas njoftimit për shtyp. Shërbimi i Inspektimit Postar të Shteteve të Bashkuara ndihmoi në hetim. Të tjerët të përmendur në aktakuzë janë 49-vjeçari nga Kolorado Timothy Shea, Brian Kolfage, veteran i luftës në Irak dhe Andrew Badolato. Fushata në fjalë kishte si synim mbledhjen e parave për të ndihmuar presidentin Trump që të përmbushte një premtim fushate siç ishte ngritja e murit përgjatë kufirit jugor të SHBA-ve. Në vend të kësaj, sipas prokurorëve, Bannon dhe ekipi i tij përfituan nga marrëveshja.
