Është publikuar fotoja e 34-vjeçarit Arlen Hasanaj, i arrestuar nga policia si autori i dyshuar për vendosjen e tritolit në banesën e kreut të FSHF Armand Duka. Ngjarja ndodhi mbrëmjen e së hënës rreth orës 22.30 dhe në lagjen nr.4 në Durrës. 34-vjeçari u arrit që të identifikohej nga pamjet e kamerave të sigurisë.
Shpërthimi dëmtoi pjesën e derës, por nuk pati të lënduar në njerëz. Hasanaj është identifikuar që pak orë pas ngjarjes, por është mbajtur nën vëzhgim nga policia. Ai banon në të njëjtën lagje me Dukën dhe u arrestua teksa kthehej në banesën e tij.
