Për lokalet që do të tregtojnë alkool për të miturit nën moshën 18 vjeç si dhe gjatë orëve të mësimit, janë parashikuar ndëshkime ekstreme.
Kështu u shpreh Kryeministri i vendit, Edi Rama pas mbledhjes së qeverisë në Kukës, ku ai theksoi se sanksionet do të jenë tejet të rënda.
“Sot kemi ndërhyrë në ligjin për ndalimin dhe tregtimin e alkoolit dhe ndalimin e fëmijëve deri në moshën 18 vjeç dhe në lokale gjatë orarit të mësimit. Ligji do shkojë në Parlament, masat do të jenë shumë të rënda duke e bërë të pamundur tregtimin e alkoolit për ata që janë nën 18 vjeç dhe duke sanksionuar të gjitha lokalet që shkelin ligjin dhe do pranojnë të lejojnë të hyjnë vajza e djem nën moshën 18 vjeç dhe gjatë orëve të mësimit. Ndëshkimet do të jenë ekstreme”, – u shpreh Rama.
