Instituti kombëtar brazilian për kërkime në hapësirë ​​(INPE) ka folur për të paktën 2.500 zjarre të reja në 48 orët e fundit, përkundër alarmit të ngritur nga presidenti francez Macron dhe Kombet e Bashkuara.

Sipas Doug Morton, fotot satelitore tregojnë se procesi i shpyllëzimit në pyjet e Amazonës zhvillohet “në dy pjesë”. Së pari pemët janë prerë, tharë dhe më vonë iu janë vënë zjarri.

“Ata kanë ndezur zjarre prej drurëve të prerë më pare, të cilët janë lënë për disa muaj nën rrezet e diellit tu tharë”, i tha shkencëtari Associated Press.

“Pra, ne jemi dëshmitarë të pjesës së dytë të një historie, e cila filloi me vëzhgimet tona për një rritje të procesit të shpyllëzimit në pyjet e Amazonës. Zonat e shpyllëzuara mund të përdoren vetëm për bujqësi.”

Morton gjithashtu u përqëndrua në efektet e zjarreve.

“Zjarri në pujet e Amazonës po emeton në ajër dioksid karboni dhe metan, duke kontribuar në gazrat serë që shkaktojnë ndryshimin e klimës”.

Zëdhënësi i presidentit Brazilian Bolsonaro, Onyx Lorenzoni, të enjten e kaluar akuzoi vendet evropiane për ekzagjerimin e problemit për të shkaktuar dëme tregtare në Brazil. “Ka shpyllëzim në Brazil, natyrisht, por jo me ritmin dhe nivelin që thuhet” – tha Lorenzoni për faqen e lajmeve braziliane ‘globo’

OJQ-të i përgjigjen akuzave të Bolsonaro-s

“Bolsonaro nuk ka siguruar asnjë provë në mbështetje të akuzave të tij kundër OJQ-ve, të akuzuara”.

Amnesty International ka akuzuar drejtpërdrejt qeverinë braziliane për zjarret në Amazon: Përgjegjësia bie direkt tek Presidenti Bolsonaro dhe qeveria e tij. Në vend që të përhapim gënjeshtra që mohojnë shpyllëzimet, ne i bëjmë thirrje presidentit brazilian Bolsonaro që të ndërmarrë veprime të menjëhershme për të ndaluar përparimin e zjarreve që janë përhapur në pyjet e Amazonës”

Pyjet e shiut në Amazonë janë kërcënuar nga një numër rekord zjarresh që i kanë kushtuar shtrenjtë klimës globale pasi këto pyje janë një furnizues jetësor  i karbonit që ngadalëson ritmin e ngrohjes globale.

Instituti Kombëtar për Kërkimin në Hapësirë ​​bëri të ditur se numri i zjarreve në pyjet e amazonës ka pësuar një rritje prej 84% krahasuar me vitin 2018.

Raportet për një rritje të zjarreve të pyjeve vijnë midis kritikave mbi politikat mjedisore të presidentit Bolsonaro.

Shkencëtarët thonë se Amazon ka pësuar humbje me një shpejtësi të përshpejtuar që kur presidenti mori detyrën në janar.

Gjatë dekadës së kaluar, qeveritë e mëparshme kishin arritur të zvogëlojnë shpyllëzimet me veprimet e agjencive federale dhe një sistemi të gjobave.

Por Bolsonaro dhe ministrat e tij kanë kritikuar ndëshkimet dhe mbikëqyrur një rënie të konfiskimeve të drurit dhe dënimeve për krime mjedisore.