Një situatë e parecedentë ka ndohdur në Rovino, Itali, në një shkollë të mesme ku mësuesja është qëlluar me plumba gome nga nxënësit.
Ngjarja ka ndodhur gjatë kohës që mësuesja ishte duke shpjeguar mësimin dhe dy plumba gome e qëlluan atë.
Episodi ka ndodhur në një klasë të vitit të parë të institutit “Viola Marchesini” dhe është filmuar nga një nxënës, i cili më pas ka shpërndarë videon në rrjetet sociale.Mësuesja u godit dy herë, fillimisht në kokë dhe më pas në sy.
Drejtoresha e institutit, përveç masave disiplinore ndaj fëmijëve, ka paralajmëruar policinë dhe ka thirrur prindërit për një “Veprim të rëndë dhe të paramenduar”.
“Si mësues, më shumë se të alarmuar jemi të shokuar nga pikëpamja edukative, sepse fëmijët nuk e kanë perceptuar vlerën negative të gjestit të tyre, kanë reaguar sikur të ishte lojë”, komentoi drejtoresha e institutit teknik, Isabella Sgarbi.
Krahas masave disiplinore ndaj atyre që qëlluan dhe atyre që filmuan, instituti do të zhvillojë disa takime edukative me bashkëpunimin e Komisariatit të Policisë “të cilat do të jenë të llojit riedukues,” tha drejtoresha.
Akti ishte i paramenduar më parë sepse djemtë kishin rënë dakord përpara se ta kryenin atë se kush e solli armën dhe kush ishte gati për të filmuar.
