Vazhdojnë takimet e Bindjes Demokratike si partia e duhur për këto zgjedhje.
Postimet e Koordinatorit Politik dhe Kandidati për Deputet i Bindjes Demokratike për Qarkun Vlorë, Ardian Kollozi .
Në Armen, aty ku kam rrënjët. Vendi ku kanë kontribuar paraardhësit e mi. Shtëpia ime e zemrës, e emocionit e dashurisë dhe pikëreferimi i krenarisë sime. Ndaj këtu gjej gjithmonë strehën e qetësisë, supin ku mbështetem. Ju jeni forca ime dhe mbështetja ime e madhe ndaj ju kam krah të djathtë në këtë sfidë, ku kam vënë zemrën dhe është për mua më e rëndësishmja që kam ndëmarrë ndonjëherë.
Bindja Demokratike do të inkurajojë dyfishimin e të ardhurave të prodhuesve të sektorit bujqësor, duke garantuar akses të sigurtë dhe të barabartë mbi tokën, inputeve të tjera bujqësore, njohurive, shërbimeve financiare, tregjeve dhe oportuniteteve. Strukturat shtetërore duhet të garantojnë që njohuritë dhe shërbimet financiare duhet të jenë të arritshme njësoj dhe falas, duke filluar nga fermeri familjar e më tej.
- Prioritet i yni do të jetë realizimi i regjistrit kombëtar të tokës bujqësore dhe çertifikimi i saj, duke synuar kështu kalimin e tokës bujqësore shtetërore drejt prodhuesve vendas dhe konkurrues të suksesshëm në tregun evropian.
- Ne do të kërkojmë gjithashtu shtrirjen e skemave të stimulimit të punësimit të rinjve drejt sektorit bujqësor. Përmes kësaj synohet të arrihet subvencionimi i sigurimeve shoqërore të punonjësve në moshë të re (deri në 25 vjeç) të punësuar pranë fermave bujqësore dhe blegtorale, si dhe të shoqërive, që merren me zinxhirin e përpunimit agroushqimor. Niveli i subvencionimit do të jetë i lidhur me nivelin e qarkullimit vjetor të realizuar dhe kjo mund të arrihet vetëm përmes një skeme transparente dhe pa kosto administrative për biznesin. Voto Bindja Demokratike. Voto nr 4
