Serbia do të blejë sistemet anti raketore ruse Pantsir-S pavarësisht paralajmërimeve për sanksione nga ana e Shteteve të Bashkuara.Sipas mediave ndërkombëtare Rusia do t’i dërgojë këto sisteme në Serbi në muajt e ardhshëm në përputhje me kontratën e nënshkruar. Aleksandër Mikheev, kreu i kompanisë zyrtare ruse për eksportin e armëve Rosoboronexport, tha se nuk do të ketë vonesa në dërgesat dhe gjithçka po ecën siç është planifikuar.
Ministri serb i mbrojtjes Aleksandër Vulin tha se sistemi i raketave ruse është garantuesi i paqes afatgjatë në rajon. Sipas raportit, qëllimi i furnizimit të sistemit të raketave është mbrojtja e pikave kritike, siç janë aeroportet, komandat dhe qendrat e kontaktit nga sulmet e mundshme me avionë, helikopterë dhe avionë pa pilot.Një muaj më parë i dërguari special i Shteteve të Bashkuara për Ballkanin Perëndimor, Matthew Palmer, deklaroi se Beogradi mund të jetë subjekt i sanksioneve nëse blen armë ruse.
“Ne shpresojmë se partnerët tanë serbë do të jenë të kujdesshëm për transaksione të këtij lloji”, ka thënë Palmer. Në muajin tetor, Serbia ka realizuar stërvitje të përbashkëta ushtarake me Rusinë, në të cilat janë pozicionuar sistemet raketore ruse, S-400 dhe Pantsir-S.Presidenti serb, Aleksandër Vuçiç ka thënë më 5 nëntor se Serbia do të blejë sistemet raketore nga rusët dhe se dëshiron të anashkalojë sanksionet amerikane apo ndonjë përballje me Amerikën.
Serbia ka marrëdhënie të ngushta politike dhe ekonomike me Rusinë, pavarësisht synimit për anëtarësim në Bashkimin Evropian. Megjithatë, Beogradi është zotuar për t’u mos anëtarësuar në NATO dhe ka refuzuar t’i bashkohet sanksioneve kundër Rusisë sa i përket aneksimit të Krimesë. Pak muaj më parë edhe Turqia bleu sisteme anti raketore ruse S400 duke sfiduar thirrjet e Shteteve të Bashkuara të Amerikës për sanksione të cilat nuk janë vënë në zbatim.TPZ
