Arratisje e çmendur në mes të qytetit. Është kjo ajo që ka tentuar të bëjë një 36-vjeçar shqiptar .Një 36-vjeçar shqiptar i dënuar në Itali u arrestua në komunën Covo të Bergamos teksa po arratisej me një makinë të vjedhur dhe u përplas me dritaren e një pastiçerie.
Mediat italiane shkruajnë se i ndaluari është personi B.Z. Sipas informacioneve, një patrullë karabinierësh i bëri thirrje 36-vjeçarit të ndalonte pasi lëvzizte vërdallë me automjet. B.Z. filloi të ecte me shpejtësi në përpjekje për t’i shpëtuar patrullës. Për shkak të errësirës, ai u përplas me një pastiçeri duke goditur dritaren.
Në përpjekje për t’i shpëtuar policisë me këmbë, karabinierët arritën të ndalonin. Automjeti “BMW 420” rezulton të jetë vjedhur në Martinengo. Shqiptari i arrestuar u dërgua në burgun e Bergamos për të vuajtur dënimin e mbetur.
