Një pensionist japonez u arrestua pasi kishte telefonuar 24 mijë herë në dy vjet shërbimin e klientit të operatorit të tij telefonik. E gjithë kjo ishte bërë me motivin që kjo kompani nuk kishte respektuar kontratën e tij, sipas policisë dhe mediave lokale.
“Ky person, 71 vjeç, u arrestua javën e kaluar pasi bëri më shumë se 400 telefonata në një javë në një shërbim klientele të operatorit telefonik KDDI”, theksoi sot një zëdhënës i policisë së Tokios. “Ai kërkonte që punonjësit e KDDI të shkonin tek ai për t’i kërkuar falje për shkeljen e kontratës”, shtoi tutje ai. Autoritetet tutje bëjnë me dije se personi u arrestua për pengim të një aktiviteti normal tregtar.