Një 25-vjeçar shqiptar u arrestua në aeroportin e Torinos, sapo zbriti nga avioni, i nisur nga Tirana. 25-vjeçari, emri i të cilit nuk bëhet publik, ishte shpallur në kërrkim nga autoritetet italiane, si pjesë e një bande që shfrytëzonte vajzat për prostitucion.

Mediat italiane shkruajnë se hetimi për bandën kriminale kishte nisur në 2016, pas dëshmive të disa vajzave, që ishin kërcënuar me vdekje, nëse nuk do t’i bindeshin tutorëve.

Hetimet konkluduan se banda merrej me trafikun e vajzave, që më pas detyroheshin të prostituonin.

Nga hetimet e policisë italiane u provua se bëhej fjalë për të paktën 11 vajza, pjesa më e madhe shqiptare që ishin trafikuar me qëllim shfrytëzim prostitucioni.

Mediat italiane njoftojnë se gjithashtu janë shpallur në kërkim 3 shqiptarë të tjerë, që dyshohet se janë pjesë e bandës, por emrat e tyre nuk bëhen publikë.