Atentati me armë zjarri ndaj një automjeti në lëvizje në Elbasan ka alarmuar autoritetet e rendit. Menjëherë pas ngjarjes, në fshatin Papër pranë vendit ku ndodhi ngjarja kanë mbërritur edhe forcat RENEA.
Deri tani nuk ka informacione për arsyet pse dhe si ka ndodhur ngjarja, pasi autorët janë larguar, ndërsa personat që ishin në makinën BMW, që ishte edhe objekti i atentatit kanë braktisur mjetin dhe janë larguar.
Sipas policisë, makina BMW është nga Elbasani, por rezolutën me targa vjedhura në Durrës. Brenda mjetit është gjetur edhe një bidon i mbushur me 5 litra benzinë dhe një armë kallashnikov.
Njoftimi i Policisë
Rreth orës 17:35, në aksin rrugor Elbasan-Peqin, në rrethana ende të paqarta, dyshohet se është qëlluar me armë zjarri në drejtim të një mjeti tip BMW, targat e të cilit rezultojnë të vjedhura në Durrës, në prill të vitit 2021.
Personat që kanë qenë në mjetin tip BMW, e kanë brakisur mjetin dhe janë larguar.
Shërbimet e Policisë ndodhen në vendngjarje dhe po krehin zonën me qëllim kapjen e personave të përshirë në këtë ngjarje.
Grupi hetimor, nën drejtimin e Prokurorisë, po vijon punën për sqarimin e rrethanave të ngjarjes, identifikimin dhe kapjen e autorëve.
