Këngëtares së njohur Aurela Gaçe, i kanë hackuar profilin e saj zyrtar në Facebook. Lajmin e bën të ditur vetë këngëtarja përmes një postimi në rrjetet sociale, ku njofton dhe se po punon për rikthimin e faqes, që kishte jo pak por 700 mijë ndjekës.
Ndërkohë që në faqen e saj, e cila tashmë menaxhohet nga persona të panjohur, janë postuar video të ndryshme, me kafshë apo pa kuptim. Së fundi këngëtarja ka publikuar këngën e saj më të fundit, e cila është pritur mjaft mirë nga fansat, por që gëzimi duket se i është ndërprerë përkohësisht nga kjo eksperiencë e pakëndshme.
