Mbrëmë në orën 8 pa 20 të darkës në bulevardin Donald Trump, të Kamzës ndodhi një aksident automobilistik. 62-vjeçari, Ilia Ibra doli nga shtëpia për të hedhur mbeturinat. Ai bëri pikërisht këtë rrugë kaloi trotuarin, priti në cep të rrugës një makinë pasi e pa atë ndaloi. Por më pas një tjetër makinë kaloi me shpejtësi dhe goditi trupin e Ibros, nga goditja e rëndë trupi i 62-vjeçari shkoi 25 metra larg. Drejtuesi i mjetit u largua nga vendi i ngjarjes.
” Makina ka qenë Ford Mondeo ngjyrë gri. Nga policia nuk kemi asnjë informacion. Babai ka marrë disa fraktura dhe krisje në kokë. Është shumë rëndë”, tha Rivaldo Ilia, djali i tij.
Drejtuesit e mjetit që largohen në Itali, emërtohen si piratët e rrugës. Një veprim i tillë atje cilësohet si vrasje me paramendimin.
Në Shqipëri neni 273 i Kodit Penal ketë veprim e dënon me gjobë dhe deri një vit burgim. Një qytetar i ndershëm në këto raste duhet të ndalojë makinën dhe të telefonojë menjëherë pranë urgjencës dhe policisë me qëllim që t’i shpëtojë jetën e të aksidentuarit.
Sipas banorëve të zonës kjo rrugës është problematike, për këtë arsye ata i kanë drejtuar peticion Bashkisë së Kamzës.
“Këtu çdo ditë ndodhin 2 aksidente, bashkia duhet të ndërhyjë menjëherë. Në peticion kemi kërkuar që në rrugë të ngrihen polica të shtrirë”, tha Ervis Ilia, nipi i të aksidentuarit.
“Sa e rëndësishme është të telefonosh urgjencën në këtë raste? Një telefonatë shpëton një jetë. Nëse ndihma arrihety me vonëse kemi raste fatale”, tha Dritan Dushaj, kordinatoor urgjence.
