Maks Haxhia, avokati i ish ministrit, Saimir Tahiri ka dhënë një deklaratë të fortë mbrëmjen e sotme ku ka vënë në pikëpyetje vendimin për dënimin e klientit të tij. Sipas Haxhias vendimi për dënimin e Tahirit ishte i papranueshëm madje priste që t’i jepej pafajësia.
Por ajo që ka habitur më së shumti në deklaratën e bërë, ka qenë dyshimi i ngritur nga Haxhia lidhur me momentin kur është marrë vendimi për dënimin e ish ministrit me 3 vite dhe 4 muaj burg. Sipas tij diçka ka ndodhur në dhomën e Këshillimit kur gjyqtarët ishin mbledhur për të marrë vendimin
Maks Haxhia: Pse do ta dënonte, unë e kam pyetur veten për këtë gjë dhe do t’ju sjell argumente që edhe ju do ta shtroni vetes këtë pyejte. Do thoni pse e dënuan. Ka ndodhur diçka në dhomën e Këshillimit kur u mblodhën për të marrë vendimin. Unë analizoj dhe atje ka ndodhur diçka. Nuk jam symadhi që të shoh gjithçka, por di që ka ndodhur diçka. Ne prisnin maksimumi që të ishte vendimi i shkallës së parë. Ata që kanë ndikuar, i paraprinë të keqes sepse e panë që në Gjykatën e Lartë do merrnim pafajësi.
