Maks Haxhia, avokati i njohur dhe ish-Kryeprokurori i Republikës vijon të jetë në gjendje të vështirë shëndetësore pas goditjes së rëndë në tru që i ndodhi 24 orë më parë.
Avokati i njohur ndodhet në trajtim të veçantë spitalor në një nga spitalet private të rëndësishëm të kryeqytetit dhe po mbahet nën monitorim të rreptë të personalit mjeksor. Pas goditjes, Haxhiaj ndodhet në reanimacion ku mjekët nuk lejojnë të dalë asnjë informacion mbi gjendjen e tij.
Nga burime prej njerëzve që u interesuan për shëndetin e avokat Haxhisë, mësohet se mjekët e cilësojnë gjendjen “stabël” por verdiktin përfundimtar për kalimin e “vijës së kuqe” ata mund ta japin vetëm pas 72 orësh.
Në spitalin e njohur privat që ndodhet në zonën e ish-Qytetit të Nxënësve, janë dyndur një numër i madhnjerëzish të njohur të politikës, financës, apo edhe mediave që kanë shkuar për tu interesuar për shëndetin e avokatit Maksim Haxhia.
Politikanë të së majtës, të së djathtës, juristë e pedagogë të së drejtës kanë qendruar për orë të tëra në spital, ndërkaq sot ishte present edhe ish-Guvernatori i Bankës së Shqipërisë Fullani.
Maksim Haxhia është një nga avokatët më të njohur në vend, ka qenë Prokuror i Përgjithshëm në vitin 1992, por më pas u shkarkua nga ish-presidenti Sali Berisha.
Haxhiaj, kohët e fundit ka qenë aktiv si mbrojtësi ligjor i ish-ministrit të Brendshëm Saimir Tahiri.
