Balerini shqiptar me famë në Itali, Kledi Kadiu është emëruar anëtar i Këshillit Administrativ të Fondacionit të Akademisë Kombëtare të Baletit në Romë. Kledi njofton se ky vlerësim është bërë nga ministri italian i Kulturës, Alberto Bonisol.
“Stina e Verës është e mbushur me lajme të bukura. Këto ditë u zyrtarizua emërimi im si anëtar i Këshillit Administrativ të Fondacionit të Akademisë Kombëtare të Baletit në Romë. Ky besim që m’u bë nga Ministri i Kulturës më mbush me gëzim e krenari. Do të përpiqem të bëj një punë të mirë e do t’i kushtohem këtij impenjimi të ri me gjithë pasionin e dedikimin që kam bërë gjithmonë në punën time”, shkruan Kledi Kadiu.
Kledi Kadiu ka një eksperiencë të gjerë artistike. Ai ka marrë pjesë në programe shumë të ndjekura televizive: “Amici” , “C’e posta per te”, “Buona Domenica”, “Proggeti Danza” e “Pequenos Gigantes”./ Xing
