Ministrja e Infrastrukturës dhe Energjisë, Belinda Balluku, ka deklaruar se vendi ynë prodhon energji gati 100% të rinovueshme nga hidrocentralet. Ketë deklaratë ajo e bëri teksa prezantonte çeljen e ankandit për Parkun Energjitik. Ajo tha se në tryezat jashtë vendit, i ndodh që të diskutojë për Shqipërinë. Ndonëse një vend i vogël, prodhon energji gati 100% të rinovueshme nga hidrocentralet. Ministrja shtoi më tej se prodhimi i kësaj energjie të rinovueshme, është varësi e motit që ne kemi. “Energjia e rinovueshme është një nga temat kryesore në KE. Në panelet jashtë vendit më ndodh të tregoj për Shqipërinë, e cila është një vend i vogël dhe prodhon energji gati 100% të rinovueshme nga hidrocentralet.
Prodhimi i kësaj energjie të rinovueshme është varësi që ne kemi nga moti. Kemi kaluar nga një vit i thatë, dhe kemi hyrë në vitin e thatë të 2020, dhe nuk mund të kemi shumë prurje. Fierza nuk ka shumë prurje, por do të shohim alternativa të tjera të energjisë”, u shpreh më tej ajo.
