Sipas Bankës së Shqipërisë, kredia në tremujorin e tretë u rrit me 7.5% dhe ka pasur rritje të kërkesës për kredi dhe përmirësim të ofertës nga bankat.
Kredia në lekë është rritur me 9.1%.
Sipas Bankës së Shqipërisë rritja e kredisë është ndihmuar nga rritja e kërkesës por edhe e ofertës.
Ndërkohë rol kyç ka pasur edhe ristrukturimi i sektorit bankar dhe ndryshimet e pronësisë për disa banka.
Biznesi privat ka përfituar më shumë kredi në tremujorin e tretë të këtij viti krahasuar me atë të një viti më parë.
Banka e Shqipërisë raporton për një rritje me 7.5% të ritmit të rritjes së kredisë për sektorin privat nga bankat e nivelit të dytë.
Rritja e kreditimit është ndikuar shumë nga rritja e kërkesës, përmirësimi i ofertës nga bankat, si dhe nga ndryshimi i pronësisë së disa bankave.
Përgjatë 2018 ristrukturimi i sektorit bankar duke reduktuar numrin e bankave nga 16 në 12, ndikoi ndjeshëm edhe në shtrëngimin e kushteve për të dhënë kredi.
Kjo për shkak se disa banka u bashkuan me njëra-tjetrën dhe plani i biznesit të tyre ndryshoi. Por tashmë Banka Qendrore raporton se ndryshmet e pronësisë po japin efekte pozitive këtë vit, duke rritur kreditimin.
Po ashtu efekt negativ në vitin që shkoi por edhe në 6-mujorin e këtij viti në dhënien e kredisë, pati edhe mungesa e një plani afatgjatë nga ana e biznesit për mënyrën se si do ta ushtronin aktivitetin e tyre.
Ndërkohë sa i takon kredisë në varësi të monedhave, në tremujorin e tretë vërehet se kredia në monedhën vendase ka pësuar një rritje të ndjeshme, ndërsa në raport vjetor ajo është rritur me 9.1%. vetëm për periudhën korrik-shtator kredia në lek u zgjerua me 9.4 miliardë lekë.
