Fenomeni i Grabitjeve nuk ka të ndalur ne Nartë të Vlorës, ku banorët raportojnë dhjetëra raste në vit në polici, ku shumica mbeten pa përgjegjës. Kryesisht objektiv i hajdutëve janë vilat e braktisura ose shtëpitë ku jetojnë të moshuar të cilët veçse grabiten edhe dhunohen.
“S’ka dhe njerëz tani këtu edhe ku gjejnë ndonjë shtëpi atje turren ata,” thotë një banor. “Grabisin çfarë të gjejnë përpara, e kthejnë shtëpinë përmbys. Çdo 1 javë edhe vjedhje ka,”thotë e moshuara. Rasti më i fundit ishte Ai i një 85 vjeçareje, por banorët thonë se disa janë grabitur tre herë.
“Mua më kanë ardhur më kanë vjedhur. Një herë e kapëm, kurse tre rastet e tjera nuk i kemi kapur,” shtoi e moshuara. “Për të rrahur jo, po ja na i kanë prishur aluminin, marrin portat e llambat. Për 4 llamba prishin dritaret dhe derën,” thotë banori. Banorët ndihen të frikësuar dhe kanë akuza ndaj policisë se masat e saj nuk kanë qenë efektive për të ndaluar hajdutët.
Ndaj kërkojnë patrullime në zonë. “E frikësuar shumë,” thotë e moshuara. “Nuk funksionon as policia, as kryepleqësia, as komuna, asnjë,” thotë banori tjetër. Grabitësit, veç vlerave monetare kanë nisur duke marrë dhe orenditë shtëpiake, deri tek prizat elektrike.“Gjithë instalimet i kanë marrë,” thotë banori. “Edhe prizat i kanë hequr,” thotë e moshuara.
