Banorët e pallatit nr. 8 pranë lagjes nr. 5 në Durrës, i kanë adresuar një letër për të katërtën herë kryeministrit Rama për shkak se pallati i tyre ku banonin 48 familje ka marrë dëmtime dhe ka çeduar nga tërmeti i 26 nëntorit me 52 cm.
Ata janë të shqetesuar pasi organet shtetërore po kërkojnë që ta riparojnë për të evituar vënien përpara përgjegjësisë së firmës ndërtuese. Banorët e kanë ngritur çështjen në prokurori, por kanë shqetësimin se ky problem po zvarritet.
Letra e banorëve për kryeministrin Edi Rama: I nderuar zoti Kryeminister. Ne banoret e pallatit 8 jemi te lagjes nr 5, rruga “Stefan Dhima” Durres, vazhdojme te mbetemi te shqetesuar per fatin e femijeve e tone. Pasi degjojme e lexojme reagimin e inxhiniereve te institutit te ndertimit , inxhiniereve te bashkise e mbi te gjitha te kryetares bashkise durres, qe ne rastin tone eshte thjesht nje bashkepunim i te gjithe te babeziturve per pjese te majme fitimi. Per kete nuk po bejne akt expertize, qe e kane per detyre se jane te paguar nga taksat e qytetareve, per ti sherbyer qytetareve, dhe jo per ti vrare ato, sic po ndodh me jetet tona te rrexikuara nga nje pallat qe ka ceduar 55 cm.
Kesaj pergjegjesie po i shmangen inxh te ndertimit te kryetares bashkise Durres, ministria ndertimit, dhe per ne me keto parametra mbetet nje akt i paster Terrorist, pasi si ne jane mbi 15 pallate me demtime shume te renda ne Durres. Ne to askush nuk mund te tentoje riparimin e pallatit pasi rrezikohet jeta e femijeve e banoreve. Tentativa per te futur ne keto pallate te demtuara rende, pa bere studimin e thelluar, perben terrorizem modern te viteteve 2020.
Ju lutemi informoni institucionet tuaja, se ketu makuteria ska fund, ku eshte dashur te behet nje akt expertize e thelluar, pasi po tentohet per te mos u prishur per arsye perfitimi. Nderkohe Inxhinieret e pergjegjshem te thirrur nga prokuroria, e kane shprehur mjaft qarte ne raportet e tyre, se pallati eshte nje rrezik i madh per banoret e perreth tij, me nje cedim mbi 52 cm,me perdredhje ne kate te 6 ,Per shkak te cilesise te dobet te ndertimit, ka ndodhur demtim i rende i objektit,e jo per faj te lekundjeve sizmike 6,4 balle pasi nuk ka pallat ne europe ku ne aderojme te anetaresohemi,me cedim kaq te larte dhe me perdredhje te jete i banueshem. Por por personat pergjegjes nuk kane deshiren ta shohin,nga babezija qe kane per tu pasuruar. Bin laden pasi u pasurua vrau njerez, dhe u shpall terrorist, ne nuk duam te flijohemi per terroristet e rinj modern,nuk do ti lejojme te na marin jeten.”
Nëntë muaj pas tërmetit dhe ende banorët nuk kanë një përgjigje përfundimtare pasi ata nuk pranojnë vlerësimin e parë i cili jo vetëm që nuk u bë në kohë dhe mënyrën e duhur, por u vlerësua me nivelin e dëmtimit DS2 ç’ka nuk përputhet aspak me dëmin që ky pallat ka pësuar.
“Që prej fillimit pallati ynë është lënë pas dore nga instancat që duhej të merreshin dhe jo vetëm kaq, por ne e kemi dërguar çështjen në prokurori dhe ende nuk merr një zgjidhje edhe pse përfundimet e tyre nga akt konstatimet tregojnë që vendimi i ekspertëve të bashkisë nuk është në përputhje me dëmin e pallatit. Pallati është anuar në katërta anët me nga 52,48,27,24 cm sipas matjeve nga ekspertët e prokurorisë. Vlera që ka nxjerrë instituti i ndërtimit për rikonstruksionin e pallatit nësë një firmë e mirfilltë e merr përsipër këtë ndërhyrje është 46% e kostos për metër katror, që do të thotë vlera për metër katrorë shkon në 210 mijl lekë të vjetra për metër katrorë.”
