Kryetari i Partisë Demokratike Lulzim Basha do të zhvillojë një takim me aleatët në selinë blu në orën 13:00. Burime për Ora News bëjnë me dije se gjatë mbledhjes do të diskutohet për situatën e Covid-19, pasojat ekonomike që ka shkaktuar kjo pandemi, si dhe vijimi i procesit të reformës zgjedhore. Më herët gjatë ditës së sotme, Basha ishte në terren, ku ka parë nga afër situatën e bizneseve, të cilët u rihapen pas një periudhë dy mujore. Sipas tij, qytetarët distancimin social e kanë respektuar, por ajo që mbetet shqetësim është situata ekonomike, e cila u rëndua nga pandemia e koronavirusit. Ai akuzoi qeverinë Rama se la pa ndihmë shumicën e qytetarëve dhe bizneseve.
Categories
Lajme
Basha mbledh aleatët në orën 13:00
