Mëngjesin e sotëm ka ndodhur një aksident me pasojë humbjen e jetës së një personi në aksin Plepa-Romanat. Një mjet tip ‘Benz’ i cili drejtohej nga 23-vjeçari Ermal Kadriu ka humbur kontrollin duke dalë nga rruga e duke u përplasur me plepin. Për pasojë ka ndërruar jetë pasagjeri i cili ishte në mjet, 23-vjeçari me inicialet G.H. Drejtuesi i mjetit ndodhet në spital në gjendje të rëndë për jetën. Policia ndodhet në vendin e ngjarjes dhe po heton shkaqet e aksidentit.
Njoftimi i policisë: Me datë 10.11.2021, rreth orës 05:00, në aksin rrugorë Plepa-Romanat, mjeti tip “Benz” me drejtues shtetasin E. K., 23 vjeç, ka humbur kontrollin dhe është përplasur me një plep. Si pasojë e përplasjes drejtuesi i mjetit ndodhet nën kujdesin e mjekëve në gjendje të rëndë dhe ka ndërruar jetë pasagjeri shtetasi G. H., 23 vjeç. Grupi hetimor po punon për zbardhjen e rrethanave të aksidentit.
