Është liruar nga burgu një natë më parë 37 vjeçari Elton Kila, i cili u arrestua më 18 tetor të këtij viti në Elbasan gjatë një operacioni të Forcave Speciale.
Elton Kila , 37 vjeç banor i lagjes “Qemal Stafa” në Elbasan, u ndalua me qëllim ekstradimi për në Itali, pasi Prokuroria e Pescarës, lëshoi urdhërin e ndalimit ndërkombëtar një muaj para arrestimit të tij. Kila akuzohej si pjestar i një organizate kriminale, për mashtrim dhe për trafik të lëndëve narkotike.
Nuk dihen detajet e lirimit të 37-vjecarit. Lajmin e ka bërë të ditur vetë ai gjatë një postimi në rrjetin social facebook, i cili falenderon të gjithë ata që e kanë mbështetur.
“Falenderimi i takon allahut te vetem pa shok . Dhe nje falenderim i madhe per te gjith miqt e mi qe me mbeshteten ne dit te veshtira. Dhe keq ardheje te madhe per ata qe perdorin fatkeqsite e tjetrrit per arsye te tjera dhe kan kerku lek neper mjet messenger ne emer tim. Sdi c’emer ti vej ksaj shum ordiner perfituan nga rasti. Por un e kam lèn ne dor te zotit . Faleminderit te gjithve”
Kujtojmë se pas arrestimit të Elton Kila, u dogj pika e servisit në pronësi të tij, ku u dogjën rreth 12 mjete të shtrenjta.
