Betejë të vazhdueshme’ e kanë cilësuar mediat angleze luftën mes mafias shqiptare dhe Agjencisë Kombëtare të Krimit në Britaninë e Madhe. Ditën e sotme ‘BirminghamLive’ i ka kushtuar një artikull shqiptarëve të cilët i akuzojnë se po përmbytin Birminghamin me kokainë. Në artikull shkruhet se Mbretëria e Bashkuar ka një treg të bollshëm të kokainës, kështu që shqiptarët janë tërhequr nga kjo dhe kanë filluar ndërmarrjet e tyre ilegale. Londra është qendra kryesore ku ata veprojnë por janë shpërndarë edhe në qytete e tjera, përfshirë Birmingham. Sipas kësaj medie vitin e kaluar, gangsteri shqiptar Erald Mema, i cili kryesonte një grup që shpërndante kokainë dhe që nga shitja e saj përfitonin shuma marramendëse, u burgos me 25 vjet burg. 33-vjeçari e drejtonte grupin në disa qytete të Anglisë, si në Oksford, Londër dhe Bristol.
Artikulli vijon duke thënë se në vitin 2016 dy shqiptarët Bekim Domi dhe Shkelqim Dardha u burgosën pasi u kapën me 120,000 £ kokainë në Birmingham. Ata u ndaluan më 28 janar të 2016 pas një ndjekje nga policia teksa lëviznin me një Mercedez luksoz. Ndërkohë para trupës gjykuese dy të arrestuarit u përpoqën që të hidhnin fajin njëri tjetrit. Ata më pas u burgosën me katër vjet e tetë muaj burg. Ndërkohë një zëdhënësi policie tha për këtë media se: “Kriminelët nga Shqipëria kanë krijuar një profil të lartë dhe një shkallë ndikimi te konsiderueshme brenda krimit të organizuar në Mbretërinë e Bashkuar dhe po zgjerojnë gjithnjë e më shumë rrjetin e tyre të ndikimit, me qasje të konsiderueshme në tregun e trafikut të drogës në Mbretërinë e Bashkuar, veçanërisht kokainë.”
Erald Mema
