Ish-ministri i Drejtësisë, Ylli Manjani, ka reaguar pas përgjimeve të “Zogut të Tiranës”, ku veç të tjerash flitej edhe për shit-blerje votash ku përfshihej edhe moderatorja Dajana Shabani. Sipas Manjanit, puna e shit-blerjes së votës nuk mund të tjetërsohet as nga kryeministri tek Zogu, e as nga Damiani te Dajana.
Statusi Kjo puna e shitblerjes së votës nuk mund të tjetërsohet as nga Kryeministri tek Zogu e as nga Damiani te Dajana… Është fenonem serioz që meriton reagim të përgjegjshëm, duke u fokusuar në çdo çast tek krimi dhe jo tek mjetet për kryerjen e tij. Insistoj: Pushteti politik që blen vota është i pafytyrë, ndërsa votuesi që shet votën është faqezi!
