Bordi i administrimit të çmimit të karburanteve ka ulur me 5 lek shitjen me pakicë të një litri naftë dhe me 1 lek uljen e benzinës. Çmimi për gazin për përdorim shtëpiak nuk ndryshoi.
Vendimi është marrë në mbledhjen e kësaj të mërkure, pa u mbushur ende 24 orë nga çmimet e mëparshme.
Bordi vendosi: Miratimin e çmimit tavan të tregtimit me pakicë të produkteve për datën 06.04.2022 deri në mbledhjen e ardhshme të Bordit, si më poshtë:
228 Lekë/litri për gazoilin; 208 Lekë/litri për benzinën; 115 Lekë /litri për gazit të lëngshëm të naftës.*( çmimi i shitjes për gazin e lëngshëm të automjeteve do jetë çmimi i furnizimit në stacionet e furnizimit në pikat e karburanteve, ndërkohë që në pikat e tjera për konsumatorët familjarë dhe industrial çmimi nuk duhet të përfshijë akcizën).
