“Shaj” e kënduar nga Arilena Ara është shpallur kënga fituese e Festivalit të 58 të Këngës në RTSH, këngë e cila do të përfaqësojë Shqipërinë në muajin maj në Eurovision. Sikundër ishte parashikuar, mbrëmjen e djeshme është mbajtur Post-Festival, ku tre fituesit bashkë me gazetarët do shpreheshin lidhur me festivalin. Ndërkohë që në panel ishte Arilena Ara bashkë me fituesen e çmimit të tretë Sara Bajraktari, u vu re mungesa e fitueses së çmimit të dytë, Elvana Gjatës.
Nuk dihet ende pse Elvana Gjata bojkotoi ‘Post-Festivalin’, ndërkohë që emri i saj ishte përfolur prej muajsh që do të fitonte festivalin.
