Një ditë më parë këngëtarja e njohur, Morena Taraku, zbuloi se i kishin grabitur shtëpinë në Turqi. E sot kanë dalë detaje të reja, ku thuhet se autorët janë larguar nga banesa e saj me shuma marramendëse.Bëhet fjalë për plot 340 mijë euro, ku përfshihen rreth 15 mijë dollarë cash dhe ora, stoli të ndryshme, gjerdan e byzylykë.
Televizioni në fjalë (Show) ka raportuar:
“Hajdutët dukeshin sikur e dinin se ku ishin gjërat me vlerë, pasi kanë hyrë në shtëpi kanë shkuar në dhomën e zhveshjes, dera ishte e mbyllur, fillimisht e thyen derën dhe hynë. I kanë marrë xhevahiret nga këtu dhe më pas shkuan në kasafortë. Ishin më shumë se 15 mijë dollarë (13 mijë euro), ora, stoli, gjerdan, byzylykë, mendohet se janë mbi 300 mijë euro”.
Ndërkohë kujtojmë se këngëtarja postoi dje një foto në “Istastory” ku zbuloi se çfarë i mungonin në shtëpi.
“Këta hajdutë do dënohen ju premtoj. Super e shokuar si mund të ndodhë kjo në të ashtuquajturën ndërtesë më të mirë Sinpas”, ka shkruar Morena në postim.
Pas denoncimit, grabitja e saj është transmetuar në një edicion informativ në Turqi, ku u shfaqën edhe pamje nga shtëpia e këngëtares.
