Shtëpia më e shtrenjtë në Amerikë është gati për shitje. Bëhet fjalë për shtëpinë që kap shifrën e 500 milionë dollarëve, ndërsa ndërtimi i saj ka filluar shtatë vite më parë.
Sipas ndërtuesve kjo do të jetë shtëpia më e përkryer në Amerikë, e kompletuar me 20 dhoma gjumi, me pamje nga Oqeani Paqësor dhe nga qyteti më i gjallëruar, Los Angeles. Shtëpia përfshinë po ashtu sallon bukurie dhe një klub nate. Rezidenca e quajtur “The One”, gjendet në majë të një kodre në lagjen e pasur të Los Angeles. Investuesi i kësaj shtëpie, është Nile Niami. Shtëpia ka afro 1,000 metra katrorë, duke përfshirë një klub nate me dhomën e vet VIP, 20 dhoma gjumi, përfshirë një suitë prej, shtatë pishina, pesë ashensorë dhe një sallon bukurie.
Ndër tjerash kjo shtëpi përmban një garazh parkimi me 30 vetura dhe një teatër me 45 vende.
Më e bukura nga të gjitha është se blerësi i ardhshëm do të ketë mundësinë të jetë fqinj me aktoren e njohur serialit “Friends”, Jennifer Aniston.
Mirëpo, çmimi prej 500 milionë dollarëve, po cilësohet qesharak nga ekspertët e pasurive të patundshme, pasi është shumë i lartë.
