Mjaftuan pak minuta breshër që fermerët e zonës së Karbunarës në Lushnjë të humbnin pjesën më të madhe të prodhimit të shalqirit.Fermerët shprehen të pashpresë pasi dëmi financiar sipas tyre është tejet I madh.
“Një stuhi e paparë ndonjëherë, e pa imagjinuar. Jemi habitur kur e konstatuam. Për mua nuk ka shpresë se kjo ka mbaruar është një investim i hedhur në tokë”– tha fermeri.
Prodhimi, sipas tyre, do të dilte në treg brenda pak javësh. Por tashmë I gjithë shalqiri është dëmtuar dhe askush nga tregtarët s’ka për ta blerë.
“Kjo kokërr iku nuk është më quhet humbje, ka marrë punën e harxhimin e u hodh në tokë. Bima është e plagosur nuk kurohet më por ha vetveten. Ky dëm nuk na ka ndodhur prej vitesh, ne jemi të mbaruar të falimentuar.“- tha fermeri.
Fermerët apelojnë për ndihmë nga shteti me qëllim përballimin e kostove të prodhimit.
