Bujar Leskaj bashke me kandidaten për deputete, znj. Nada Daullja zhvillon takime me anëtarë, simpatizantë dhe banorë të lagjes së Pusit të Mezinit.
Pusi i Mezinit është kaq pranë qendrës së Vlorës, por shumë larg investimeve dhe mirëqenies dhe i harruar nga pushteti vendor e qendror. Një ecje nëpër rrugët e kësaj lagjeje dhe fjalët e banorëve të bindin për harrimin total të këtyre njerëzve të ndershëm e punëtorë.
Infrastruktura e shkatërruar, varfëria, papunësia, largimi i të rinjve, mungesa e ndriçimit janë disa nga problematikat që shqetësojnë qytetarët e kësaj zone.
U theksova se në këto zgjedhje të gjithë duhet të reagojmë ndaj keqqeverisjes së këtyre 8 viteve; ndaj të keqes, e cila na prek të gjithë ne. Të reagojmë me votë, me votën për PD, e cila në 26 Prill do të sjellë ndryshimin për shqiptarët, për të rinjtë, për shtresën e varfër e të mesme, për ekonominë tonë familjare, për ekonominë e Vlorës.
Pas 25 prillit PD do të bëjë maksimumin për uljen e varfërisë që në mandatin e parë dhe çdo zonë e Vlorës do të zhvillohet.
PD angazhohet për një qeverisje me fytyrë njerëzore, një qeverisje të ndershme për të marrë përsipër përgjegjësinë e normalitetit në Shqipëri dhe të Shqipërisë Europiane!
Dhe kush mund ta bëje më mirë këtë gjë se sa Lulzim Basha, që ka futur në politikën shqiptare konceptin “angazhim” dhe jo “premtim”!
Dhe ky është ndryshimi! Premtimet janë fjalë! Angazhim do të thotë integritet, përgjegjshmëri, llogaridhënie e transparencë! Si Drejtues Politik i qarkut Vlorë ashtu edhe deputetja e ardhshme, Nada Daullja u bëmë thirrje banorëve të Pusit të Mezinit që të votojnë masivisht në 25 prill për numrin 9, për Partinë Demokratike, për Ndryshimin! Në 25 Prill #ShqipëriaFiton #VloraFiton
