Familja e Altin Vathit në fshatin Murqinë të rrethit të Krujës, është një nga familjet e prekura nga tërmeti. Që prej datës 26 Nëntor ata kanë improvizuar një çadër për të jetuar, derisa shteti të kthejë sytë nga ata. Teksa po mbushet muaji nga tërmeti i fuqishëm, moti i keq dhe i ftohtë jua vështirëson edhe më shumë jetesën në çadër pjesëtarëve të familjes. “Reshje e mbrëmshme e kanë bërë krejt ujë këtu përpara. Tërmeti, shiu, janë bërë të gjitha bashkë. Çfarë do të bëhet me ne? Me vështirësi çdo gjë? Vajzën e kam sëmurë, duhet terapi e përditshme, s’ka mundësi. Festat do t’i festojmë në çadër. Të na ndihmojnë me një shtëpi, të mos jetojmë kështu”, deklaroi për “FaxNews” kryefamiljarja.
Përballë kësaj panorame janë deklaratat e Kryeministrit dhe ministrave, sipas të cilëve të prekurit nga tërmeti ndodhen në hotele me 5 yje, banesa të marra me qira që i paguan shteti, ose çadra dimri komode. Në fakt kjo familje po jeton në kushte çnjerëzore…Faxweb
