Pas tërmetit një sërë problematikash janë shënuar në fshatin Kuç të Himarës, ku shkolla 9 vjeçare nuk do ti hapi dyert të hënën e 7 Janarit. Pasi dëmtimet janë të shumta. Po ashtu thuajse të gjitha banesat e fshatit Kuç janë dëmtuar ndërsa 5 janë në gjendje më emergjente dhe kërkojnë rikostruktim . Banoret thonë se e kanë kaluar në panik mëngjesin e të shtunës, pasi lëkundjet e fuqishme i detyruan të strehoheshin te të afërm. Fshati i inspektua nga Prefekti i Qarkut, Flamur Mamaj, i cili tha se do te ndihmoheshin banorët me më shumë dëmtime në banesë. Sipas tij vetëm një familje ka vendosur të strehohet te të afërm.
Sipas Mamajt tashmë po ndërhyhet ne të gjithë zonën ndërsa me pushtetin vendor do të evidentohen të gjitha dëmet ” Në orët e pasdites të së shtunës edhe dr i përgjithshëm të emergjencave civile, Haki Çako vizitoj zonat e prekura nga termeti. Çako tha- ” jemi duke pare nga afër situatën pas termetit të dates 4 në fshatin Kuc. Bashke me pushtetin vendor do të bëjmë vlerësimin e të gjitha dëmeve të shkaktuara neë banesa por edhe shkollen e fshatit. Emergjencat civile dhe forcat e armatosura janë ne gadishmëri për ti ardhur në ndihmë banorëve për të kaluar situatën aktuale dhe natyrisht do të bëjmë vlerësimin dhe evidentimin e dëmeve të shkaktuara: Situata e krijuar nga termeti ka krijuar shqetësim tek banorët,ndërsa për shkak të dëborës ka patur edhe probleme në qarkullim. Aktualisht me ndërhyrjen e kryer rruga është e kalueshme ,ndërsa nuk janë shënuar probleme të tjera në fshatrat e lumit të Vlorës.
