Nisma e ndihmave “ÇAMËRIA NUK HARRON” këtë hërë vizitoi shtëpinë e të moshuarve “Strehe dhe Shprese” të familjes KUKA, në zonën e ish-kinostudios, ku po kalojnë karantinën nga pandemia COVID-19, 30 të moshuar. Me një historik gati 130-vjeçar, kjo qëndër është kthyër në vend shprese jo vetëm për të moshuarit, por edhe për banorët e lagjes ku çdo ditë ndihmohen dhjetra familje. Qëndra u hap për hërë të parë në vitin1892 nga vëllezërit Sali dhe Hasan Kuka, si një mision në ndihmë të jetimëve dhe të vobektëve. Disa vjet më vonë, në 1917, kjo qendër ishte kthyer në një shtëpi të vërtetë humanitare, kohë në të cilën u njoh zyrtarisht edhe nga shteti shqiptar. Po në këtë vit zv/prefekti I Tiranës, Rauf Fico ju kërkoi vëllezërve KUKA, që ta quanin shtëpinë, “streha vorfnore”, ku ata mbetën financues deri në vitin 1944. Qëndra u riaktivizua pas rënies së diktaturës në vitin 1990, nga Myslim Kuka, një i arratisur në SHBA, që sot jeton në New York, i cili me financimet e tij ruajti amanetin e të parëve të familjes. Sot nipi i tij Hysniu drejton dhe financon këtë qendër duke u përpjekur të mbajë po gjallë amanetin dhe detyrimin e familjes, ndaj të moshuarve dhe familjeve në nevojë. Në këto ditë të pandemisë, Hysniu thotë se kujdesi është shumë i madh dhe ndihmat janë të pakushtëzuara, ndaj edhe PDIU, Shoqata patriotike “ÇAMËRIA” dhe Fondacioni Çamëria “HASAN TAHSINI” u bënë pjesë, për të ndihmuar të gjithë për të cilët kujdeset kjo qendër me nismën “ÇAMËRIA NUK HARRON” #ÇAMËRIANUKHARRON #NENUKHARROJMË #UNËEDUASHQIPËRINË #VEÇNJËATDHE
