Kam defektet e mia, shenja plagësh për të fshehur. Vargje të thella dhe të sinqerta këto të Celine Dion, të veshura me tinguj të ndjerë në këngën më të re të titulluar “Imperfections”.

51-vjeçarja shfaqet pa grim në videon bardh e zi, me një portret të mprehtë dhe shprehës, ashtu si veshjet e saj elegante, që përveç mesazhit që përcjellin, na kujtojnë se këngëtarja mbetet gjithashtu një ikonë e modës.

“Imperfections” është pjesë e albumit të ri me titull “Courage”, i cili pritet të dalë për publikun më 15 Nëntor. 16 këngë të fuqishme që vetë diva e muzikës i ka quajtur himn për të gjetur forcën dhe krenarinë përballë një sfidë të re që vjen bashkë me moshën. Me këtë rast, Dion ka nisur edhe turin botëror më 18 Shtator.