Në faturën e ujit të muajit nëntor qytetarët do të kenë dhe taksën e ndërtesës. Taksa llogaritet mbi bazën e sipërfaqes dhe vlerës së ndërtesës që ju keni në pronësi. Ujësjellës Kanalizime Tirana (UKT) njoftoi sot se cilat janë procedurat që një pensionist kryefamiljar duhet të ndjekë nëse nuk është përjashtuar nga taksa e ndërtesës. Sipas UKT, referuar nenit 22 pika 6 e Ligjit nr.9632, date 30.10.2006 “Per sistemin e taksave vendore” i ndryshuar, përjashtohen nga taksa mbi ndërtesën kategoritë si vijon:
-pasuritë e paluajtshme-ndërtesa, pronë e subjekteve juridike ose fizike, që në bazë të marrëveshjeve me bashkitë përdoren nga këto të fundit si banesa sociale
-ndërtesat që përdoren nga komunitetet fetare, në funksion të veprimtarisë së tyre
-ndërtesat e banimit, të deklaruara si vendbanim nga kryefamiljarët që përfitojnë vetëm pension pleqërie/pension social, kur familja e tyre përbëhet vetëm nga pensionistë, ose dhe me persona në ngarkim të tyre, që janë të paaftë për punë
-ndërtesat e banimit të kryefamiljarëve që trajtohen me ndihmë ekonomike;
